Astekaria

Astero lantzen dugunaren hausnarketa:


 2014/10/29

Gaur lehenengo eguna izan dugu “Informazio eta Komunikazio Teknologia hezkuntza” ikasgaian. Teknologia berriei buruz hitz egin dugu: ea erabiltzen ditugun, zeintzuk, zertarako, zer dakigun horiei buruz … Komunikazio bide zabal bat dela hitz egin dugu, informazioa jasotzeko balio diguna,  unibertsitatean eta handik kanpo ere lan egiteko tresna dugula eta espazio sozial bat ere bai. Gaur egun sakelekoa, ordenagailua eta horrelako gailuak gure egunerokotasunean erabat sartuta ditugu ia konturatu gabe, gainera; izan ere, haiek gabe zerbait falta zaigula pentsatzen dugu, gizartearekin konektatuta ez gaudela sentiaraziz.

Horrez gain, web 2.0 zer den ikasi dut eta , egia esan, ez nekien zer zen. Informazio eta ezagutzaren sorkuntzari buruzko filosofia da. Internetek teknologia eskaintzen du, aplikazioak (youtube, blogger, wikipedia…), informazioa jaso eta elkartrukatu ahal dugun gunea.  Gu parte hartu al dugun web berriaren erabiltzaileak gara. Iraultza teknologikoa da, izatez, egoera eta zerbitzu berritzaileak dituen gune bat.

Egia esan, klasean informazio asko jaso dut lehenengo orduan eta galduta sentitu naiz. Ondoren “Gara” egunkariko artikulua irakurri dugu bertan web 2.0 zer den azalduz. Bideo pare bat ere ikusi dugu.

IKTri diodan beldurra areagotu egin zait blogg bat egin behar dugula esan digutenean, oso traketsa bainaiz teknologia berriekin. Baina bueno pazientzia apur batekin aurrera egiteko prest nago, ikaskideen laguntza eta irakaslearen azalpenekin, noski.

2014/11/05

Gaurkoan etxean ikusitako bideoei buruz hitz egin dugu, web 2.0 buruzkoak zirenak. Lehenik eta behin, bideo bera ikusi dugunon artean horri buruz hitz egin dugu eta gero bakoitzak bere taldean berreraiki du , informazio guztia partekatuz.

Ondoren bloga egiteari ekin diot. Aurreko astean egiterik izan ez nuenez, gaur egin dut. Ez nekien zein gai jarri edo zeri buruzkoa egin, baina azkenean irribarretxo bat atera zait eta hortik hasi da nire lehenengo ideia; izen hori jarri diot blogari: “irribarretxo bat”. Urduri egon ez ezik, galduta ere sentitu naiz, besteen erritmoa segitu ezinik ibili naiz eta. Hala ere, azkenean pozik  nabil egindakoarekin.

2014/11/19

Gaurko klasea interesgarria iruditu zait, identitate digitalari buruzkoa izan da.

Interneten, aisialdirako edo lan egiteko ezinbesteko tresna honetan, arakatzen ibiltzen garenetan egiten ditugun mugimendu guztien aztarnak uzten ditugu bertan (norekin komunikatzen garen, zein web orrialdetan sartzen garen,  zer erosten dugun, non dugun kontu korrontea, non ikasten dugun …) eta horrek  guztiak perfil bat eraikitzen du, identitate digitala deritzona.

Gaiarekin zer ikusia duten bideoak ikusi ditugu. Bost bideo ziren eta niri 5. ikustea egokitu zait. Bertan identitate digitalak hiru alderdi dituela azaltzen da: Alde pertsonala, alde soziala, eta besteengan duten eragina. Pantaila baten aurrean egiten dugunaz kontziente izan behar dugula gogorarazten digu. Baina gehien harritu nauena “Haima” baten dagoen igarlearen bideoa izan da. Igarle egiten zuen pertsonak, neska bati bere datu pertsonalak esaten  zizkion bitartean, teloi baten atzealdean pertsona batzuk ari ziren, interneten bitartez neskaren datu guztiak bilatzen eta igarleari esaten. Horrelako gauzek ordenagailu baten aurrean jartzen naizenean egiten dudanaz ohartarazteko balio didate, kontu handiz ibiltzeko, hain zuzen ere.

Behin hau ikusita, nork bere blogarekin jarraitu dugu. Arazo txiki batzuk izan ditut, baina konpongarriak.

Azkenik, aurkezpen txiki bat egin dugu: IKT-ak Haur Hezkuntzan nola erabili.

2014/11/26

Gaurko egunez, klasean teoria pixka bat jaso dugu: Hezkuntzan IKT-ak txertatu behar direla aipatu da; Baina honek ez du esan nahi liburuak alde batera utzi behar ditugunik. IKT-n erabilerak, berez, ez du metodologia aldatzen, honetarako metodologia egokitu egin behar da, IKT-ekin bakarrik ez baita nahikoa. Berrikuntza egokia egiteko beharrizanak zeintzuk diren jakin  behar da. Formakuntza beharrezkoa da txertatu behar dugun berrikuntza prozesuan onargarria izateko. Abiapuntua gizartea edo testuingurua bada, hezkuntzan ondo markatu behar dira prozesuaren printzipioak eta oreka erreal bat lortu.

Gizartean IKTak arlo guztietan daude, horregatik, hezkuntzan derrigorrez ikasteko objektuak dira (berrikuntza prozesua), ikasten irakasteko prozesua.

Teoriarekin batera  bi bideo ikusi ditugu,  bat portugesez, “tecnologia o metodologia” eta bigarrena, “Education today and tomorrow” , parametro guztiak apurtzen dituena.

-Lehenengo bideoan, Portugalgo eskola batean, nahiz eta teknologia berria sartu metodologia berbera erabiltzen dutela ikusten da.

-Bigarren bideoan, Txinan, Estatu Batuetan baino ingeles gehiago hitz egingo dutela agertzen da. 

Lehen nola funtzionatzen genuen eta gaur egun nola funtzionatzen dugun alderatzen du. Mundu honetarako, etorkizunerako eta erritmoa oso azkarrean doan mundu baterako prestatu behar dugula erakusten du.

Ondoren bideoetan ikusitakoaz gure iritzia bota dugu klasean. Batzuek teknologia berriek beste gauza batzuk ordezkatuko dituztela (liburuak) eta horren kontra daudela adierazi dute. Beste batzuek, ordea, lan baldintza hobeak egongo direla esan dute, baina lanpostu gutxiago beharko liratekeela. Oraingoz, IKT-en helburu finkoa ezin izan dugu atera: zelan eta zertarako erabili. Badakigu hezkuntzaren curriculumnean, IKT-en erabilpena agertu behar dela, baina oraindik ez da jakiten erraza zein izan daitekeen erabilera egokia eta orekatua. Hori bai, gizartean asko erabiltzen da eta aurreratua dago; eskoletan, berriz, atzeratua dago arlo horretan, eta zerbait egin beharra dagoela ikustarazi dit gaurko klaseak.

 Bestalde, beste bideo bat ikusi dugu, Jordi Adellen elkarrizketa, curriculumna eta konpetentzia digitalei buruzkoa.

Eskema:

Hurrengo saioan Deliciusen zazpi helbide gorde eta etiketak jarri ditugu.

Bukatzeko, etxerako lanak, testu bat irakurri eta Abenduaren 1erako irakasleari bidali. Horrez gain, Deliciusko helbide bat aztertu hurrengo klaserako.

2014/12/ 03

Gaur, aurreko astean esan bezala, Deliciuseko helbide bat aztertu behar izan dugu etxean eta bere ezaugarriak taula batean jarri behar izan ditut. Nire taldekideak gauza bera egin dute beraiek bilatutako helbideekin. Gero denon artean bat aukeratu eta azaldu behar izan dugu guztien aurrean. Silbia Cosgaiari tokatu zaio Deliciuseko aukeratutako helbidea aurkeztea. Klaseko talde guztiek gauza bera egin dute.

Ondoren gure taldean “Alakatuten” proiektuari ekin diogu. Lana banatu egin dugu, binaka jarri gara lanean, baina gure artean zalantzarik bagenuen, elkarren artean komunikatu eta arazoari konponbidea bilatu diogu. Proiektuan zer egin oso argi izan dugu guztiok eta bata bestenganako konfiantza izan dugu zereginetan. Ni Jonerekin jarri naiz lanean eta zoritxarrez egindako guztia azken momentuan pikutara joan zaigu, dokumentua gordetzen ahaztu zaigulako, eta berriro ere hasieratik hasi gara. Jone gizajoa umore txarrez joan da etxera, gaur bere egunik onena ez zela esanez. Lanean falta zena Drive-a bidez etxean bukatzeko aipatu dugu.

2014/12/10

Azken eguna. Ebaluazio bukaerara heldu gara. Talde guztiok beraien proiektuen aurkezpena egin behar izan dugu, baina aldez aurretik azken ukituak egiten utzi digu irakasleak.

Azkenik, gure txanda. Alakatutenekook proiektua aurkeztu dugu. Urduri ibili gara, izan ere, lehenengoak izatea erabaki dugu, egoera latza lehenbailehen pasatzearren. Amantalak jarri ditugu, irakasleak garela adierazteko. Jonek, berriz, gorbata jarri du, Txepetxa ikastetxearen zuzendaria dela adierazteko. Txepetxa ikastetxean geletarako arbel digitala nola erabiltzen dugun aurkeztu dugu. Horretarako haurren eguneroko zereginetan txertatu dugu IKTa.

Jarraian, beste taldeen aurkezpenak ikusi ditugu. Oso interesgarriak iruditu zaizkit, batez ere,  lan egiteko programak: GLOGSTER eta POWTOON.

Aurkezpen guztiak bukatu ondoren, talde bakoitzak beraien hausnarketa egin du.

Bukatzeko,  bakoitzak bere blog-aren zalantzei buruz galdetzeko erabili dugu denbora. Nik erlojua jartzeko aprobetxatu dut. Ordua heldu denean, agurtu eta urte barri on opatu diogu elkarri, azkenengo klasea izan baita.

HAUSNARKETA:

Lehenik eta behin esan beharra dut blogaren gaia aldatu behar izan dudala. Barre-terapiari buruzkoa izan zen hasieran, baina, material gutxi topatu dut eta emozioa da oraingo blogaren gaia. Gustura ibili naiz lanean, nahiz eta teknologia berriekin oso harreman ona ez izan.

Urduri hasi nintzen klasetara joaten, eta ordenagailuaren aurrean jartzen nintzen bakoitzean putz egiten hasten nintzen beldurturik, baina esan beharra dut, azalpenak argiak izan direla eta berriro ere zalantzak izanda ere, azaldu egiten zenituen behin eta berriro. Horrek eskolara joateko gogoa biztu zidan eta gutxika beldurrak kentzen lagundu.

Ikaskideekin eta talde lanean gustura ibili naiz; asko lagundu diogu elkarri, batez ere haiek niri.

Hala ere, asko ikasi dut ikasgai honekin eta  emandako gai edota klasean agertu diren bideoak interesgarriak izan dira, baita oso probetxugarria bihar etzirako bai neure eskarmenturako zein etorkizuneko lan baterako.